Poslanici Evropskog parlamenta odobrili su danas Sporazum o slobodnoj trgovini između EU i Kanade (CETA).
Poslanici su podržali CETA sa 408 glasova “za”, a 254 ih je glasalo “protiv”. Pred početak glasanja, demonstranti su se okupili ispred zgrade Evropskog parlamenta u Strazburu.
Pregovori o CETA traju sedam godina i postignut je dogovor nakon pregovora sa belgijskim regionom Valonijom, koji je bio protiv.
Pristalice sporazuma navode da će on dovesti do stvaranja novih radnih mjesta i da će običanom narodu smanjiti troškove za hranu i drugu potrošačku robu jer će se biti ukinute carine za proizvode iz Kanade i Evrope.
Protivnici sporazuma ukazuju na tajnovitu prirodu pregovora i strahuju da bi moglo doći do pogoršanja trenutnog standarda za potrošačku robu.
Oko stotinu ljudi okupilo se ispred zgrade parlamenta, a neki su i legli na pločnik u namjeri da spriječe prolazak poslanika. Rojters
